منتدى حبايبنا احلى منتدى


من فضلك قم بالتسجيل لتتمتع بمميزات العضوية



 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  مكتبة الصورمكتبة الصور  اليوميةاليومية  المجموعاتالمجموعات  دخولدخول  التسجيلالتسجيل  


شاطر | 
 

 ممكن نتغير بجد ..... بس نحاااااااول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ArNoObA
عضو
عضو
avatar

الابراج : الجدي عدد المساهمات : 77 تاريخ التسجيل : 08/10/2009
العمر : 23

مُساهمةموضوع: ممكن نتغير بجد ..... بس نحاااااااول   08.11.09 6:05

" السلام عليكم ورحمة الله وبركاته "

تحياتى لاجمل قسم فى المنتدى كله
مع احترامى الشديد وتقديرى لكل الاقسام .... بس اى حاجة ليها علاقة بالدين لازم يكون ليها تقدير تانى .

اولا .... ده اول موضوع اشارك بيه هنا فى القسم ده .... واتمنى الاقى فيه تجاوب معايا وردود افعال تشد .

ثانيا .... وده الاهم من اولا ..... لانه اساس الموضوع .الموضوع اللى هتكلم فيه ... عارفة اننا اتكلمنا كتير فيه ... ومش بس كده ... يمكن كمان حفظنا الكلام اللى بيتقال فيه ... بس بجد الموضوع مهم قوى ... ومحتاج نتكلم فيه مرة واتنين وعشرة ومليون لو لزم الامر .
الموضوع باختصار بيتكلم عن كل واحد بيقول "نفسى اتغير ... بس مش عارف "


انا مش هتكلم فيه كتير ... بس بجد محتاجين وقفة ... ووقفة طويلة كمان .. نحول فيها حياتنا .
كتير مننا ... ده لو مكنش كلنا ... بيرتكب اخطاء ... والاخطاء دى اما " بنعملها واحنا اخدين بالنا ..... او بنعملها واحنا مش اخدين بالنا .... او بنعملها واحنا اخدين بالنا بس عاملين نفسنا مش اخدين بالنا "

بس دايما بيكون الاختيار التالت ...."بنعملها واحنا اخدين بالنا بس عاملين نفسنا مش اخدين بالنا "
عارفة ان كلامى يلخبط ... بس الوقت بيعدى بينا واحنا مش حاسين .... ولو فضلنا كده ... هنفوق فى وقت مينفعش نفوق فيه ... وده لو فوقنا اصلا .....!!!
بس الموضوع ده مش عشان اقول لحد بطل تعمل غلط .... لا .. انا عايزة فى الموضوع ده ندور على حلول كتير مع بعض ... نعرف منها ازاى نبطل الغلط ده ...؟... ويا ريت الاقى منكم حلول معايا ...
وانا هبتدى باول حل ... يمكن ينفع مع ناس كتير ... وممكن بردو يفشل مع ناس كتير .... بس احنا نجرب ونحاول بجد ... ومش هنندم .
الحل ده اسمه "تخيل لحظة انك ..... "
وده بمعنى ان .........


- كتير مننا بيسمع اغانى بصورة بشعة جدا .... ومش بيقدر يستغنى عنها ... لدرجة انه بيوصل انه يسمع اى حاجة لاى حد وباى معنى ... المهم انه يسمع وخلاص .
- كتير مننا ساعات ... مش هقول على طول .... بيسمح لنفسه انه يشوف حاجات كتير غلط .
- كتير مننا وخاصة الشباب ... بيقضى وقته كله فى الكورة والجرى فى النوادى والسينمات و......
- كتير مننا بيكسل كتير عن الصلاة وبياجل فرض لحد وقت الفرض اللى بعده .
- كتير مننا مش بيحاول يمسك المصحف غير فى رمضان بس ... ده طبعا لو مسكه كمان .

كفاية كده ... واوضح كلامى بقى .....

لو كنت من اصحاب الحالة الاولى مثلا .... ليه متحاولش كل لما تيجى تسمع الاغانى دى ... انك تتخيل لو ان ربنا كان خلقك اصم ... كان هيبقى ايه احساسك ... مش كنت هتتمنى كتير لو بس تسمع لو للحظة واحدة .. عشان بس فى موضوع مهم بتحاول تفهمه فى اللحظة دى ومش عارف ....؟
اما لو كنت من اصحاب الحالة التانية ....ليه متحاولش كل لما تيجى تشوف حاجة غلط المفروض انك تغض نظرك عنها ... انك تتخيل لحظة لو ان ربنا خلقك ضرير ... مش كنت هتتمنى لحظة انك تشوف عشان فى حاجة بتسمع كتير عنها ونفسك تشوفها دقيقة بس ......؟
اما لو كنت من اصحاب الحالة التالتة ..... ليه مبتفكرش لحظة واحدة وانت بتضيع وقتك فى اى كلام فارغ .. ان ممكن ربنا كان خلقك من غير نعمة الحركة ... وكنت اكيد هتتمنى انك تتحرك شوية بس .... عشان نفسك تجيب لنفسك كوباية مية ومش عارف .

اما بقى لو كنت من اصحاب الحالتين .. الرابعة والخامسة .... تخيل كده ... لو انك سيبت الدنيا دى دلوقتى ... وواقف قدام ربنا ... لا صلاة ولا قران ولا غيره ... مش اكيد هتتمنى لو ربنا يمهلك كام يوم كمان وتقضيهم فى العبادة .


يبقى لو انت تخيلت نفسك فى صورة من الصور دى ... كل لما تيجى تعمل غلط ... هتعمل الغلط ده ...؟ ولا هترجع عنه .....؟
وتبقى فتحت صفحة بيضة مع ربنا وقفلت صفحة سودة مع ابليس .

بس بردوا متنساش ... بعد كل مرة تتخيل فيها كده .... احمد ربنا انه عطاك كل النعم دى ... وخصوصا نعمة العقل .. عشان تميز بيه الصح من الغلط .

معلش ... اسفة انى طولت عليكم .... ويا ريت كل واحد عنده حل لمشكلة ممكن يغيرنا بجد ... يا ريت يفيدنا بيه .

ومستنية رايكم ... وكلامكم بقى ... نفسى التوبيك ده يتملى حلول كتير
الرجوع الى أعلى الصفحة اذهب الى الأسفل
ملاك الروح
مشرف
مشرف
avatar

الابراج : الحمل عدد المساهمات : 259 تاريخ التسجيل : 09/10/2009
العمر : 19

مُساهمةموضوع: رد: ممكن نتغير بجد ..... بس نحاااااااول   26.11.09 3:29

ميرسي ياقمر على الحلول الروعه دي وان شاء الله هنملى الموضوع ده حلول كتيره اوى.

الرجوع الى أعلى الصفحة اذهب الى الأسفل
 
ممكن نتغير بجد ..... بس نحاااااااول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حبايبنا احلى منتدى :: اسلاميات-
انتقل الى: